آخر الإبداع في موريتانيا حول موضوع "التزوير"

النظامْ إزوَّرْ بيديهْ .. لنتخابْ ؤهاذَ بَدِيهْ
واعْلَ ذَ منْ وَجيهْ إجيهْ .. دايرْ فتَّزويرْ العَوْلَ
والمُثقَّفْ عاد إكَوْلِيهْ .. عادْ الاَّ كُولِ يُكَوْلَ
والِّ منْ مَكِينَ يگْديهْ .. منْ علمْ ؤمبادئْ كَوْلَ
ؤعاد اخلعنَّ گاعْ اعليهْ .. هَمُّ من همْ الشعبْ أوْلَ
ؤظّلْ الدوْلَ للْيحلمْ بيهْ .. ماتَ خالگْ ظلْ الدَّوْلَ
واعْلَ عهدْ السَّيْبَ والْفيهْ .. شَريطْ التاريخْ ؤرَوْلَ
والعالَمْ هاذَ ما يعنيهْ .. عينْ اعماتْ ؤلخْرَ حَوْلَ
غَيرْ النطامْ أسْوَ يحْسبْ .. عنْ ذّ كاملْ فَيدْ الموْلَ
ؤيحسبْ عنُّ لاعادْ اكْسبْ .. ذِ اجَّوْلَ مزالتْ جَوْلَ

الشاعر والأديب: التقي ولد الشيخ